3 шілдеде өткен соңғы ширек финал матчында Франция Исландияны 5:2 есебімен жеңді. Енді Франция құрамасы жартылай финалда 2014 жылғы әлем чемпионы Германиямен кездеседі. Бұл матч 7 шілдеде өтеді.+
Ал 6 шілдеде Уэльс пен Португалия екінші финалдық жолдаманы сарапқа салады.
Еуропа чемпионатының финалы 10 шілде күні Парижде өтеді. 2012 жылғы Еуропа біріншілігін Испания құрамасы жеңіп алған. Биыл Испания 1/8 финалда Италиядан жеңіліп, атағын қорғай алмады.
