Алматыда 28 жастағы Нұршат Розиев жоғалып кетті, — деп хабарлайдыTengrinews.kz тілшісі. Бұл туралы оның анасы Мехрибан Назарова айтып берді.
Қазақстандық банктердің бірінде бөлімше басшысы болып қызмет ететін оны соңғы рет 3 қыркүйекте кешкі 18.00 шамасында көргендер бар. Ол жаттығудан кейін үйіне қайтып келе жатқан. Келесі күні таңғы уақытта көршілері Розиев тұратын үйден өрт шыққанын байқаған. Өрт сөндіріліпті, бірақ үй иесі мен оның көлігі болмаған.
Айта кетейік, оның туыстары полицияға хабарды екі күннен кейін ғана беріпті, себебі оны бір жаққа кетіп қалды деп ойлаған. Тек ол жұмысқа уақытында келмеген соң дабыл қағыпты.
Нұршат Розиевтің қайда екенін білетіндерден +77470641506, +77781427235 телефондарына хабарласу сұралып отыр.