«Облыс орталығының 23 жастағы тұрғынының денсаулығына зақым келтіру фактісі бойынша СҚО ІІД Тергеу басқармасы ҚР ҚК 106 бабы бойынша сотқа дейінгі тергеу жүргізіп жатыр. 21 жастағы күдікті ұсталып, уақытша ұстау оқшаулағышына қамалды», — деді СҚО ІІД баспасөз қызметінің басшысы Мадина Балгашукова.
Түнгі клубта баскетболшы Игорь Нагаевтың аяусыз соққыға жығылуы туралы ақпарат кеше Faсebook әлеуметтік желісінде жарияланды. Қолданушылардың айтуынша, зардап шегушінің ерні жыртылған, тісі түскен, жағы сынып, бүйректеріне зақым келген. Бас миы да едәуір жарақат алған. Куәгерлер төбелеске ешкімнің араласпағанын айтуда. Игорь арнайы аппараттың көмегімен демалып жатыр. Дәрігерлер спортшының жағдайы туралы еш пікір білдірмеді. Өскеменнен спортшының ата-анасы мен сүйіктісі келді.
Игорь Нагаев 1 ай бұрын Петропавлға жергілікті «Барыс» баскетбол клубында ойнау үшін келген.