Жапонияда аптап ыстықтан зардап шеккен 600-ге жуық адам ауруханаға түсті

Жапонияда аптап ыстық салдарынан 600-ге жуық адам ауруханаға түскен. Олардың тең жарымы – алпыс бестен асқан егде жастағылар. Дегенмен мамандар бұдан бұрынғы аптамен салыстырғанда жағдайдың едәуір жақсарғанын айтады. Таяуда, күншығыс елінің көп бөлігінде сынап бағанасы 30 градустан төмендемей, мыңнан астам тұрғын емханаға жеткізілген еді. Негізі былтыр алқымнан алған аптаптан 100-ден астам жапондық көз жұмып, мыңдағаны медициналық көмекке жүгінген еді.