Бұл туралы "Айтуға оңай" ток-шоуында айтылды, деп хабарлайды Caravan.kz.
Бұл жолы бағдарлама бойдақтар мәселесіне арналды. Онда үйленуге қыз сұрап үш бірдей азамат келді. Сондай-ақ, аталған ток-шоудың ертеректегі тура осындай тақырыптағы бағдарламасына кейіпкер ретінде қатысып, соның артынша үйленіп алған фотограф Самат Құсайынов шақырылды. Ол бұл мәселеде басып алып қашу үрдісін жақтайтынын ашық айтты.
"Басып алып қашуға қазір көп адамдар қарсы шығып жатыр ғой. Бірақ осы басып алып қашудың пайдасы бар. Қызға сөз айта алмайтын жігіттерге керек. Кейде қыздың да осыны қалап тұратын кезі болады. Ауылда солай жасай берген жөн. Қалада да тұрмысқа шықпай жүргендерді солай алып кеткен кездер болды. Бірақ қазір бұған көпшілік қарсы шығып жатыр. Соның себебінен қазір бойдақтар көп» деді Самат.