Д.Е.Назаров Алматы қаласы Бостандық ауданы бойынша Мемлекеттік кірістер басқармасының қызметкері бола тұрып, қызметтік өкілеттігін пайдалана отырып осы басқарманың бұрынғы қызметкері Р.Б.Конусовпен аса ірі көлемде — 10 миллион теңге көлемінде алаяқтық жасады деген күдікке ілініп, екеуі екі айға қамауға алынды, — деп хабарлайды Tengrinews.kz тілшісі МКД баспасөз қызметіне сілтеме жасап.
"2017 жылдың 8 тамызында Алматы қаласының Мемлекеттік кірістер департаментінің Ішкі қауіпсіздік басқармасының қызметкерлері Д.Е.Назаров пен Р.Б.Конусовты ұстады.Ал 11 тамызда Алматының Алмалы аудандық сотының шешімімен Д.Е.Назаров пен Б.Конусов екі айға қамауға алынды', — деп хабарлады Алматы қалалық Мемлекеттік кірістер департаментінің баспасөз қызметіндегілер. Қазіргі уақытта осы дерек бойынша тергеу жүргізіліп жатыр.