Қашқын қазақстандық банкир Мұхтар Әблязовтың ақшасын заңдастырғаны үшін айыпталған тілші Жанболат Мамайға үкім шығарылды, деп хабарлайды Sputnik Қазақстан тілшісі.
Алматы қаласы Медеу ауданы №2 соты қаулысымен Жанболат Мамай 1997 жылы редакцияланған ҚР ҚК 193-бабы 3-бөлігінде қарастырылған қылмыс жасағаны үшін айыпты деп танылды.
Сот оны екі жыл және бес ай бас бостандығын шектеу жазасына кесіп, мүлкін тәркіледі және үш жылға тілшілік қызметпен айналысуға тыйым салынды. Сонымен бірге, сот қаулысына сәйкес, жылына 120 сағат еңбек жұмысына тартылатын болды.