Бұл туралы Tengrinews.kz тілшісі хабарлайды.
"Балам мектеп бітіріп жатыр. Мектеппен қоштасу мен виньетка үшін мектептегілер 100 000 теңге жинап жатыр. Қосымша ақша жинап жатырмыз деп те айтты. Лимузинмен қыдырады екен, сағаты 16 000 теңге, Талғар тасжолындағы мейрамханаға да барады. Мұны ата-аналар жиналысында айтты. Ақши жинағысы келмегендерді үркітіп, қорқытты. № 156 мектеп, Алатау ауданы, "Өжет" ықшамауданы". Шара қабылдауды сұраймын, мұндай бассыздықты қашан қоямыз?", — деп шағымданды алматылық қалалық білім басқармасының сайтында.
Білім басқармасындағылар № 156 мектептегі ақша жинау туралы мәліметті толығырақ алу керектігін және орта білім бөлім жетекшісінен нақтылауды сұрап жауап берді.
"№156 орта мектептегі ақша жинау туралы мәліметті нақтырақ анықтап, Сізден Алатау аудандық білім бөлімінің басшысы Қасымбекова Айгүл Жұмабекқызына хабарласуды сұраймыз. Білім басқармасының орта білім бөліммі жетекшісі Айтуарова Ақмарал Төлегеноваға да хабарласа аласыз", — делінген жауапты.
Оқи отырыңыз:
Балғынбек Имаш әріптесі Айнұр Тұрсынбаеваны индюхаға теңеп ренжітіп алды