Оның себебі неде? Себеп түрлі болуы мүмкін. Оның бірі:
- топта қыздардың бастарының бірікпеуі,
- продюсермен арадағы түсініксіздік,
- тұрмысқа шығу немесе “аяқ асты ана атанбақ” екенін кеш жариялау.
- Ал кейде, халық алдына шығып, біраз танылған соң жеке әнші болып, жеке табыс көргісі келетін қыздардың да барын жасырмайды продюсерлер.
- продюсердің шешімімен жеке әншіге айналу.
Елімізде қазір қыздар тобының жиі ауысуынан бөлек, үштіктен төрттікке, төртіктен қайта үштікке айналу “сәнге” айналуды. Мәселен, алтын құраммен халықта кеңінен танылған КешYOU тобы.
Алғашқы құрамы 2006 жылы құрылған. Топ басында "Saf" — деген атаумен шыққан ол кезде Анель Әрінова, Зумрад Гараева және Маржан Меңдібаева есімді арулар өнер көрсеткен. Кейін Мөлдір Әуелбекова қосылды, одан кейін Аида Смағұлова, Найля Заитова, Камшат Жолдыбаева, Айдана Меденова есімді қыздар болған.
2012 жылы топ құрамы өзгеріп, Камшат Жолдыбаева қайта оралып, Жанар Дұғалова қосылып трио алтын құрамға айналды. Жанар топтан кетіп, Мөлдір топқа кірді де араға 1-ай салып қайта кетті. Осылайша топ құрамы тағы ауысып, Алматылық Жұлдыз есімді қызбен толыққанды. 2015 жылы Кешьюден екі бірдей әнші кетіп, топ түбегейлі тарқады. 2015 жылдың ортасында Балжан, Жұлдыз, Ақбота бір жарым жылға жуық жұмыс жасап, топ квартетке айналған болатын.Бірақ, белгісіз себептермен Сара Амангелді топпен қош айтысып, төрттік қайта үштікке айналды.
Топтағы Элизат тұрмысқа шығуына байланысты топтан кетіп, орнына Ақбота есімді ару қосылды. Қазіргі таңда Балжан жеке шығармашылығымен айналысып, топ қайта жасақталмақ.
Ayumi тобы.
Ayumi герлз-бэнді 2011 жылы құрылды. Басында үш қыз болды: Ақназ, Айкерім және Айдана. 2015 жылы Айкерімның орнына Әсел Жамақаева келіп, топ алтын құрамға айналады. Ал 2017 жылы Айдана топтан кетті. Бір уақытта қыздар дуэт болып өнер көрсетті. 2018 жылы топқа Сандуғаш пен Назым деген қыздар қосылып, біраз уақыттан кейін қыздар топтан кетті. Осы жылдың қыркүйек айында топтың алтын құрамы "Gakku дауысы" фестивалінде соңғы рет өнер көрсеткен болатын.
Асыл тобы.
Қазақилық пен заманауи үлгіні қатар алып жүретін топ 2008 жылы Ғалия Мұратова, Анар Аязбаева, Жұлдыз Мұсылманқұлова сынды қобызда шебер ойнап қана қоймай, әнді де нақышына келтіріп айтатын қыздардан құралған болатын. 2014 жылы Жұлдыз топтан кетіп, орнына Ақерке Бүркітбай келді. Кейін Ғалия тұрмысқа шығып, орнына Райхан есімді қыз қосылған еді, қазір үштікке Ғалия қайта қосылып, топ квартетке айналды.