Қазақстанда 2019 жылы мұнайды қайта өңдеу көлемін 5% арттыру жоспарлануда. Бұл жөнінде ҚР Энергетика министрі Қанат Бозымбаев мәлімдеді.
Оның айтуынша, бұл көрсеткіш 2019 жылы 17,2 млн тоннаға жетеді. Соның ішінде, үш мұнайды қайта өңдеуші зауытта 16,2 млн тонна шикізат өңдеу жоспарланып отыр.
Осылайша, министрдің айтуынша, Атырау МҚӨЗ мұнайды қайта өңдеу 5,4 млн тоннаға, Шымкент МҚӨЗ – 5,4 млн тоннаға, Павлодар мұнай-химия зауытында – 5,4 млн тоннаға, «Конденсатта» – 0,22 млн тоннаға, CASPI BITUM – 0,77 млн тоннаға жетеді.
«Өсім үш зауытта осы көрсеткіштің 0,86 млн тоннаға немесе 5,6% ұлғаюы есебінен қамтамасыз етіледі. 2019 жылы мұнай өнімдерінің негізгі түрлерінің өндірісі 12,2 млн тоннаны құрайды, бұл 2018 жылмен салыстырғанда 5,2% артық», — деді Бозымбаев.
Мұнай өнімдерін шығару көлемі бойынша 2018 жылы өсім 2017 жылмен салыстырған 9,4% құрады.
Сонымен қатар, 2018 жылдың қорытындысы бойынша шикізатты қайта өңдеу көлемі 2018 жылмен салыстырған 8,6% өскен.