Ақтауда кәмелетке толмағандар арасындағы жаппай төбелес видеоға түсіп қалды, — деп хабарлайды Zakon.kz.
Маңғыстау облысы полиция департаментінің баспасөз қызметі осы төбелеске қатысқан жасөспірімдер мен олардың ата-аналарының жеке тұлғалары анықталғанын хабарлады.
Ешкім зардап шеккен жоқ, аурухана мен емханаға ешкім түспеген. Бәрін тексердік, олардың ешқайсысы полицияда есепке тұрмаған, барлық кәмелетке толмағандардың мінез-құлқына оң мінездеме берілді. Ақтаудағы ювеналды полиция қызметкерлері жасөспірімдермен және олардың ата-аналарымен түсіндіру жұмысын жүргізді, деп хабарлады департаменттің баспасөз қызметі.
Төбелес фактісі бойынша ҚР Әкімшілік құқық бұзушылық туралы кодекстің 435-бабы бойынша хаттама толтырылды. Материалдар Ақтау қаласы әкімдігі жанындағы кәмелетке толмағандардың құқықтарын қорғау жөніндегі комиссияға жолданды.