Елімізде көлік жүргізу мәдениеті төмен. Бұл туралы Орталық коммуникациялар қызметінде өткен брифингте Әкімшілік полиция комитетінің басқарма бастығы Марат Тұяқбаев айтты, деп жазды sn.kz
«2013 жылдан бері жол-көлік оқиғалары, соның ішінде жарақат алғандар мен қаза тапқандар саны азайып келе жатқанмен, бей-жай қарауға және әрекетсіз болуға болмайды», — дейді Марат Тұяқбаев.
Ол жыл басынан бері жол-көлік оқиғалары мен соның салдарынан қаза табушылар саны азайып келе жатқанын айтты.
«Зардап шеккендердің 40%-ы — жаяу жүргіншілер. Жыл сайын жол қозғалысы ережелерін бұзу жағдайлары миллиондап тіркеледі. Бұл елімізде көлік жүргізу мәдениеті әлі де төмен екенін білдіреді», — дейді ол.
Сондай-ақ, ол тәуелсіздік алғалы бері елімізде 83 мың адам жол-көлік оқиғасынан қаза тапқанын айтты.