"Қазақстанның ұлттық банкіне 2020 жылдың 1 шілдесіне дейін ұлттық банктің орталық аппаратын Алматы қаласынан Нұр-Сұлтан қаласына көшіруді қамтамасыз ету тапсырылды", — делінген жарлықта.
Ұлттық банктің Алматыдан елордаға көшірілетіні туралы бұған дейін айтылған болатын.
Осы жылдың қаңтарынан Қазақстанның ұлттық банкі қайта құрылды. Банктен жаңа дербес құрылым — қаржы нарығын реттеу және дамыту агенттігі бөлініп шықты.
Ұлттық банк секілді агенттік те Қазақстан президентіне тікелей бағынып, есеп береді.
Ұлттық банктің бас кеңсесі Нұр-Сұлтан қаласына көшірілсе, ал агенттік Алматыда қалады. Қаржы нарығын реттеу және дамыту агенттігіне Қазақстанның орталық банкінің штатынан 500 адам ауысты.
