Мемлекет басшысы биыл еліміз коронавирустан біржола арылу жылы болуы керек екенін мәлімдеді, — деп хабарлайды Caravan.kz медиа порталы Tengrinews.kz тілшісі.
Бұл туралы ол коронавирус инфекциясына қарсы іс-қимыл шаралары бойынша кеңесте айтты.
"Биыл — қастерлі Тәуелсіздігімізге 30 жыл. Бұл жыл пандемиямен күрестегі түбегейлі бетбұрыстың және коронавирустан біржола арылудың жылы болуға тиіс деп санаймын", — деді Тоқаев.
Бұған дейін Тоқаев Қазақстанда коронавирус індеті қайта өршіп бара жатқанын айтқан болатын. Сондай-ақ, денсаулық сақтау министрі Алексей Цой мен үкіметті сынға алған еді.