Алматыда Дүниежүзілік денсаулық сақтау ұйымының Алматы декларациясының 25 жылдығына арналған ескерткіш тақта ашылды

Бүгін, 23-қазанда Алматыда Дүниежүзілік денсаулық сақтау ұйымының алғашқы медициналық-санитарлық жәрдем жөніндегі декларациясының қабылданғанына 25 жыл толуына орай ескерткіш тақта ашылды. Бұл құжат адам денсаулығын сақтау құқығын оның өміріндегі ең асыл құндылықтардың бірі ретінде жариялап, ол әлемнің көптеген елдерінде ұлттық денсаулық сақтау стратегиясының жобасын жасауға негіз етіп алынды,- деп хабарлайды KZ-today тілшісі.

Ескерткіш тақта 1978-жылы Дүниежүзілік денсаулық сақтау ұйымының конференциясы өткен Республика сарайының қабырғасына орнатылды.

Ескерткіш тақтаның ашылу салтанатына ҚР денсаулық сақтау министрі Жақсылық Досқалиев пен Дүниежүзілік денсаулық сақтау ұйымының бас хатшысы Йонг Вук Ли, Алматы әкімі Виктор Храпунов, Дүниежүзілік денсаулық сақтау ұйымының Еуропалық бюросы мен БҰҰ Балалар қорының өкілдері мен ғалымдар қатысты.