Бұл туралы Caravan.kz медиа порталы Қайнар Олжайдың фейсбуктегі парақшасына сілтеме жасап хабарлайды.
Қайнар Олжай ақынды Қожанасыр туралы әзіл әңгімемен түйріеп алды.
"Қожанасыр қарашаның 20-сы күніне қарай кемпірдің шайы, есегінің жемі таусыларын, өзінің қыстық етігі енді киюге келмей тозғанын ойлап тұр еді. Сопаң етіп көршісі шыға келді. Екі езуі екі құлағында.
-Қожеке, мына өлеңді тыңдаңызшы,- деп аңыратып қоя берді.
Балтабектің алдағы сайлау туралы өлеңін оқыған соң көршісі:
-Керемет, керемет қой,- деп тамсанды.
-Әй, мұның қай жері керемет сонда?- деп сұрады «есегімнің естісін-ай» дегеннен басқаны өлең қатарына қоспайтын Қожанасыр.
-Ой-бой, Қожеке, қарасаңызшы. «Жиырмасыншы қараша» дегенге қаншама тың ұйқас тапқанын,- деп өзеуреді көрші.
-Әй, бір ұйқас ұмыт қалыпты,- деді шайдың таусылғаны, жемнің қымбаттағаны және етіктің жыртығы ойынан шықпай тұрған Қожанасыр.
-Ол қандай ұйқас?- деп ынтыға сұрайды көрші.
-Бірдеңені жемеші, а!", деп жазды.
