ҚР үкімет басшысы мұнай өңдеу зауыттарын мемлекет меншігіне айналдыруға қарсы

ҚР үкімет басшысы Даниал Ахметов мұнай өңдеу зауыттарын мемлекет меншігіне айналдыру мүмкіндігіне қарсылық білдірді. "Мен жалпы жеке меншікті, соның ішінде мұнай өңдеу саласын мемлекет меншігіне айналдыруға үзілді-кесілді қарсымын",- деп мәлімдеді бүгін, 25-қарашада парламент палаталарының бірлескен отырысында депутатар сауалына жауап берген ҚР үкімет басшысы.

Д.Ахметовтың пікірінше, бұл «он жетінші жылға қайта айналып соғу болмақ». Қазақстан қазір «тұрақты даму сатысына көшті», сондықтан, «дәл қазіргі кезеңде жеке меншікті национализациялау туралы мәселе көтеру — мүлдем дұрыс емес»,- деді үкімет басшысы.