Осы оқиғаға байланысты журналист Гүлмира Әбіқай тағы бір сұмдықтың шетін шығарғандай болды.
Бұл туралы Гүлмира Әбіқай Facebook желісіндегі парақшасында жазды, — деп хабарлайды Caravan.kz медиа порталы.
"3 баласын асып өлтіріп артынан өзіне қол салған еркекке қатысты шындық міне❗️
Ешқандай жоқшылық, қымбатшылық, Үкімет кінәлі емес! Маған жазылған хатты қаз-қалпында жарияладым, артында аңырап қалған жарымен толық сұхбат кешке парақшамда", — деп жазды Гүлмира Әбіқай.
Ол сондай-ақ өзіне қол салған азаматтың әйелінің туысқаны жазды делінген әлдебір хабарламамен бөлісті. Онда үш баласымен асылып өлген ар адамның өгей қызын зорлағаны жайлы айтылған. Дегенмен ақпараттың анық қанығы, қаншалықты шын екені белгісіз.
Еске салсақ, кеше Маңғыстау облысында үш баласымен әкесінің асылып өлгені жайлы белгілі болды. Бұл оқиға барша қазақстандықтарды дүр сілкіндірді. Оқиғаға қатысты түрлі болжамдар тарай бастады.
Ескерту: Бұл оқиғаға қатысты әркімнің пікір қалдыруы заңдылық. Бірақ аталған мәліметтер журналист Гүлмира Әбілқай мен оған хабарлама жіберген адамның жеке пікірі ғана.
Бұл ретте көрінеу жалған ақпарат тарату Қылмыстық Кодекстің 274-бабы бойынша қылмыстық жауапқа тартылатынын ескертеміз.