Алматы облысында жол апатынан 9 адам, соның ішінде екі бала зардап шекті

Алматы облысында жол апатынан 9 адам, соның ішінде екі бала жарақат алып ауруханаға түсті. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Жол апаты Қарасай ауданында, Қаскелең-Шалқар-Шамалған автожолының 2-ші шақырымында болды. «ВАЗ-2106» автокөлігі «ВАЗ-2104» автокөлігімен соқтығысып қалған. Апат салдарынан екі жүргізуші мен жеті жолаушы, соның ішінде 2002 және 2003-жылдары туған екі кішкентай бала түрлі жарақаттармен ауруханаға жатқызылды.