2004 жылдың 1-ақпаны мен 1-мамыры аралығында Шығыс Қазақстан облысында қайырымдылық акциясы өтеді

2004 жылдың 1-ақпаны мен 1-мамыры аралығында Шығыс Қазақстан облысында қайырымдылық акциясы өтеді. Семей қалалық әкімшілігінен хабарлағандай, өткен жылғы акция барысында аймақтық қайырымдылық қорына Семей қаласындағы мекеме, ұжымдар 3,5 млн. теңге аударды. Бұл қаржы Семей аймағындағы тұрмысы төмен азаматтарға көмек көрсету үшін және жеке тұлғаларға несие беруге жұмсалды.

Биыл да қорға қаржы жинау мақсатында 29-сәуірде Өскемен мен Семей телеарналары арқылы дәстүрлі «Өскемен-Семей» телекөпірі өткізіледі. Осы

қайырымдылық акциясы барысында жинақталған барлық қаржы әлеуметтік жағдайы нашар отбасыларына, мүгедектерге дәрі-дәрмектер сатып алуға және күтушісі жоқ қарияларға бөлінетін болды.