Алматы облысында автокөліктің өзенге түсіп кетуі салдарынан 9 адам зардап шекті

Алматы облысында автокөліктің өзенге түсіп кетуі салдарынан 9 адам, соның ішінде екі бала зардап шекті. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Оқыс оқиға Алматыдан 7 шақырым жерде, Үлкен Алматы көлінің маңында болған. «Газ-66» автокөлігінің жүргізушісі көлігін Үлкен Алматы өзеніне құлатып алды. Жол апаты салдарынан 35 жастағы жүргізуші, алты әйел мен 12 және 15 жастағы екі бала түрлі жарақаттармен ауруханаға түсті.