Алматы облысында екі балықшы автокөлікпен бірге суға батып кетті

Алматы облысында екі балықшы автокөлікпен бірге Іле өзеніне батып кетті. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Қайғылы оқиға 7-наурыз күні кешкісін болған. Ішінде 35 жастағы екі балықшы отырған «Мицубиси-Делика» автокөлігі өзенге батып кеткен. Қаза тапқан адамдардың мәйітін судан құтқару қызметінің қызметкерлері келесі күні судан шығарып алды.