Қазақстандық және Қытайлық кәсіпкерлер бірқатар келісім-шартқа қол қойды

Атап айтсақ, Еуразиялық өнеркәсіптік қауымдастығы мен «Алашанькоу XINK» компаниясы ниет меморандумына қол қойса, Алматыдағы «Теда» ЖШС мен ҚХР Шыңжан -Ұйғыр автономиялық аймағының Шихэцзэ қалалық целлюлоза-қағаз комбинаты бірлескен өндіріс құру туралы келісімге, «Тянь-Шань» халықаралық құрылыс компаниясы мен «Джушень» (Дален) компаниялары өзара ынтымақтастық туралы келісімге қол қойды.

Алдын-ала бағаға сәйкес, қол қойылған келісім-шарттарының құны 300 млн. доллардан асады, деп мәлімдеді ҚР индустрия және сауда министрінің орынбасары Болат Смағұлов. Оның айтуынша, «бизнес-форум барысында бұдан басқа да бірнеше құжаттарға қол қойылуы мүмкін».