КТК теңіз терминалында 600-ші танкерге мұнай тиелді

Каспий құбыр консорциумының теңіз терминалында Новороссийск маңында 600-ші танкерге мұнай тиелді. Бұл - "Теңізшевройл" ЖШС жалға алған "Алан Великий" танкері. Бұл туралы KZ-today тілшісіне КТК-ның баспасөз қызметінен хабарлады.

КТК терминалындағы алғашқы танкерге 2001-жылдың 13-қазанында мұнай тиелді. КТК терминалын жалпы пайдалану мерзімінде 65 млн. тонна немесе 500 млн. баррель мұнай жөнелтілді.

Маусым айында КТК құбыр жүйесімен 2,3 млн. тонна мұнай айдалды. Жалпы КТК жұмыс істей бастағалы 15 млн. тонна немесе 117 млн. баррель мұнай жіберілді.