Алматы облысында бір есірткі саудагері 5 килограмм апиынмен ұсталды

Алматы облысында құқық қорғау мекемесінің қызметкерлері шұғыл іздестіру шараларының нәтижесінде бір есірткі саудагерін 5 килограмм апиынмен ұстады. Бұл туралы KZ-today тілшісіне Алматы облыстық ішкі істер департаментінен хабарлады.

Шараға ұйымдасқан қылмыспен күрес басқармасы, есіркі саудасымен күрес басқармасы, Алматы облыстық ішкі істер департаментінің тергеу басқармасының қызметкерлері қатысты.

Қапшағай қаласының тұрғыны Алматы-Қапшағай тас жолының 50-ші шақырымында есірткіні сату барысында қолға түсті. Сатқан апиын үшін ол 8 мың АҚШ долларын тапқан.
Осындай қылмысқа байланысты бұған дейін де істі болған тұтқын уақытша тергеу қапасына қамалды.
Қазір тәртіп сақшылары есірткі затының Алматы облысына келу жолдарын анықтауда.