Алматыда ірі жол торабы салынып бітті

Алматыда Саин көшесі мен Райымбек даңғылының қиылысындағы үш қабатты ірі жол торабы салынып бітті. Бүгін, 22-шілдеде қала әкімі Иманғали Тасмағамбетов нысанды салтанатты жағдайда қабылдап алды,- деп хабарлайды KZ-today тілшісі әкімшіліктің баспасөз қызметіне сілтеме жасап.

Бұдан бұрын да хабарлағанымыздай, жол торабы көлік ағындарын жан-жаққа таратып жіберетіндей етіп жоспарланған. Жол торабының басты эстакадасының ұзындығы 624 метрді құрайды. Жобаның құны 6,2 млрд. теңгеге бағаланған. Жол торабының өткізгіштік қабілеті тәулігіне 120 мың автокөлікке тең.