Оңтүстік Қазақстан облысында мемлекеттік шекараны демаркациялау барысындағы заң бұзушылық дерегі бойынша қылмыстық іс қозғалды

Оңтүстік Қазақстан облыстық экономикалық және жемқорлық қылмыстармен күрес департаментінің қызметкерлері Қазақ-Өзбек мемлекеттік шекарасын демаркациялау барысында қаржылық заңды бұзушылық дерегі бойынша қылмыстық іс қозғады. Бұл туралы қаржы полициясы департменті төрағасының орынбасары Серік Бейсалиев баспасөз мәслихатында журналистерді құлағдар етті,- деп хабарлайды KZ-today тілшісі.

Қаржы полициясы иеліктен шығарылатын 30 метрлік аумақтағы ғимаратты бұзуға қажет деген жалған сылтаумен заңсыз өтемақы алу дерегінің бетін ашқан. Тергеу мүддесі үшін деген сылтаумен істің егжей-тегжейі жарияланған жоқ. Қазір қаржы полициясының қызметкерлері бұзылуға тиіс ғимараттарға өтемақы бөлу процессін жаппай тексере бастады.