Ұжымдық қауіпсіздік жөніндегі келісім ұйымының жанындағы тұрақты кеңестегі Қазақстан Республикасының уәкілетті өкілі тағайындалды

Мемлекет басшысының бұйрығымен Владимир Алесин Ұжымдық қауіпсіздік жөніндегі келісім ұйымының жанындағы тұрақты кеңестегі Қазақстан Республикасының уәкілетті өкілі болып тағайындалды. Бұл туралы KZ-today тілшісіне ҚР президентінің баспасөз қызметінен хабарлады.

В.Алесин 1954-жылы 5-тамызда РФ Киров ауданында туған. Алматы халықшаруашылығы институты мен Алматы саясаттану және басқару институтын бітірген.

Президент аппаратында істеді және ҚР сыртқы істер министрінің орынбасары болды. В.Алесин сондай-ақ ТМД-ның жарғылық органдарының жанындағы тұрақты өкіл әрі төтенше және өкілетті елші болды.