Душанбеде Қазақстан Конституциясының 10 жылдығына арналған көрме өтеді

26-тамызда Душанбе қаласында Қазақстан Республикасы Ата заңының қабылдануына 10 жыл толу мерейтойына бағышталған кітаптар мен фотосуреттер көрмесі ашылады. Бұл туралы KZ-today тілшісіне шетелдермен достық және мәдени байланыстар жөніндегі Тәжік қоғамының төрайымы Майсара Калонова хабарлады.

«Көрмеге жаңа конституция қабылданған сәттен бері республика қол жеткізген жетістіктерден сыр шертетін кітаптар мен фототуындылар қойылады»,- деді М.Калонова.

Шараны ұйымдастыруға «Тәжікстан-Қазақстан» достық қоғамы мен Тәжікстандағы Қазақстан елшілігі мұрындық болмақ.