Алматы облысында жол апатынан 4 адам мерт болып, 4 жасар бала жараланды

Алматы облысының Іле ауданында жол апатынан 4 адам мерт болып, 4 жасар бала жараланды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Министрліктің түсініктемесіне сәйкес, 18-тамызда Алматы-Байсерке-Қараой-Чапаево бағытындағы тас жолдың 38-шақырымында «ВАЗ-21011» автокөлігінің жүргізушісі «КамАЗ» автокөлігімен соғысып қалды Апат салдарынан «ВАЗ-21011» жүргізушісі мен оның үш жолаушысы оқиға орнында мерт болып, 4 жасар бала түрлі жарақатпен ауруханаға түсті.