Алматыда 1 килограмм героин сатпақ болған Ресей азаматы ұсталды

Алматы қалалық ІІД есірткі саудасымен күрес басқармасының қызметкерлері "Арыстан" арнаулы бөлімшесінің жауынгерлерімен бірлесіп 1 килограмм героин сатпақ болған Ресей азаматын ұстады. Бұл туралы KZ-today тілшісіне ҚР ІІМ-нің баспасөз қызметі хабарлады.

36 жастағы еркек Алматының Алмалы ауданы Красильников көшесінің бойындағы бір үйдің жанында қолға түсті. Одан 1 килограмм 39 грамм героин тәркіленді.

Тұтқынның үстінен қылмыстық іс қозғалып, тергеу басталды.