Қазақстан президенті Тәуелсіз Мемлекеттер Достастығын сақтап қалуды құптайды

Қазақстан президенті Нұрсұлтан Назарбаев Тәуелсіз Мемлекеттер Достастығын сақтап қалуды құптайды. Бұл туралы ол бүгін, 26-тамызда ТМД саммитіне қатысу үшін Қазанға келгеннен кейін журналистерге мәлімдеді,- деп хабарлайды KZ-today тілшісі Ресейдің "Новости" ақпараттық агенттігіне сілтеме жасап.

«ТМД өз мүмкіндіктерін сарқа қойған жоқ. Оны баршамызды біріктіретін ұйым ретінде, сондай-ақ, экономикалық интеграция мен халықтардың әл-ауқатын жақсарту үшін сақтап қалу қажет»,- деді Н.Назарбаев.

Бұдан бұрын да хабарлағанымыздай, ТМД органдарын жаңалау туралы идеяны Қазақстан президенті Астанада 2004-жылы өткен ТМД саммитінде ортаға салған болатын.