Қазақстан президенті қоғамдық штабқа сайлау заңнамасы талаптарының орындалуын қадағалауды тапсырды

«Бұл — президент алға қойған басты міндет. Штаб белсенділерінің басты мақсаты — нәтижесі қазақстандықтар мен халықаралық қоғамдастықтың күдік-күмәнін тудырмайтындай етіп, сайлауды әділетті, ашық әрі еркін өткізуді қамтамасыз ету болып табылады»,- деді Б.Жұмағұлов.

Штабқа «Отан», «Асар», Демократиялық партия, Аграрлық және Азаматтық партиялардың жетекшілері, бизнес , шығармышылық зиялы қауым өкілдері мен отандық спорт майталмандары енді.
«Президентті жақтаушы күштердің жаңа бірлестігі президенттіктен үміткер Нұрсұлтан Назарбаевтың кандидатурасын қолдау, сайлау алдындағы үгіт-насихат жұмыстарын жүргізу мен үміткердің сайлау алдындағы тұғырнамасына түсіндірме жүргізуді мақсат тұтады»,- деді Б.Жұмағұлов.