Бүгін 67 килограмм героин мен 217 килограмм апиын жойылды.
Бұл есірткі партиясы 2005-жылдың маусым айында «Қақпан» атауы берілген арнаулы операция барысында тәркіленген. Халықаралық есірткі тасымалымен шұғылданатын топтың жетекшісі Хикматулло Махмадов пен оның сыбайластары «Алматының түрлі жерлерінде Қазақстанның солтүстігі мен одан әрі Ресейге есірткі тасымалдайтын аралық нүктелерді ұйымдастырған». Қазір Махмадов пен оның сыбайластары түрлі жылдарға сотталып түрмелерде отыр.
Жалпы алғанда ҰҚК органдары ағымдағы жылдың басынан бері 20 халықаралық есірткі тасымалдау арнасын, есірткі тасымалын кәсіпке айналдырған 8 топты жойды. Заңсыз айналымнан 800 килограмм апиын мен героин шығарылып, 135 адам қылмыстық жауапкершілікке тартылды.
Тек Алматы қалалық ҰҚКД жыл басынан бері есірткі саудасымен күрес саласы бойынша 16 қылмыстық іс қозғап, 13 адамды ұстап, 400 килограмм есірткі, соның ішінде 67 килограмм героин, 330 килограмм апиын мен 3200 дана «экстази» таблеткасын заңсыз айналымнан шығарды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
