«Біз шілдеде бас жоспарды аяқтауға тиіспіз, тамызда қоғамдық экологиялық сараптамадан өткіземіз, ал қыркүйекте инвесторларға жоба мен құрылысқа арналған жер телімдерін таныстыруға тиіспіз»,- деді Қ. Өскембаев.
Комитет төрағасы қазіргі уақытта Қапшағай мәслихаты туристік орталықты дамыту үшін 11 мың гектар аумақты сақтап қойғандығын еске сала кетті. «Біздің жалпы міндетіміз онда Лес-Вегас құру емес, Диснейлэнд құрамыз десек шындыққа жақын… біздің мақсат — бірінші кезекте шетелдік туристерді тартатын туристік қалашық құру»,- деп түсіндірді ол. «Ол жерде гольф-алаңы, аттракциондар, желкенді кемелер , зәулім қонақ үйлер, соның ішінде ойынханалар мен ойын автоматтарының залдары болады»,- деп қосты Қ. Өскембаев.
Ол сондай-ақ, бас жоспарды қыркүйекте келешек инвесторларға таныстыру межеленгеніне қарамастан, мүдделі жақтардың «қазірдің өзінде көбейіп кеткенін» атап өтті. «Аталмыш туристік орталыққа шетелдік те, отандық та компаниялар қызығушылық танытуда»,- деп түсіндірді комитет төрағасы.
Сонымен қатар, Қ. Өскембаев жұмыс тобы үкіметке Щучинск-Бурабай курорттық аймағына осы сияқты туристік орталықты орналастыратын орын туралы соңғы шешімді жақын күндері енгізуге тиіс екендігін хабарлады. «Естеріңізге сала кетейін, онда тағы осы тектес орталықты салудың бірнеше үлгілері болған»,- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті