Баспасөз қызметінің мәліметтерінше, Алматы-Бішкек автожолының 59 шақырымындағы «Ростов» өткізу бекетінде жол полициясы басқармасының есірткі бизнесімен күрес қызметкерлері «Ауди-100» автокөлігінен марихуана табады. «Есірткі затының жалпы салмағы 18,5 кг»,-деп түсініктеме берді баспасөз қызметіндегілер. Автокөліктің жүргізушісі тұтқындалып, уақытша тергеу орнына жіберілді.
Сонымен қатар кеше жол полициясының дәл сол бекетінде Алматыға бет алған «Мицубиси-Галант» автокөлігі тоқтатылады. «Жолаушылардың бірі, Қырғызстан азаматшасынан жеке заттарының арасынан жалпы салмағы 2,3 кг шикі көкнәр салынған қапшық табылды»,-деді полицейлер.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті