«Заң бұзушылықтарға, соның ішінде сыбайлас жемқорлық қылмыстарына жол беріп отырған басты проблема кедендік органдардың техникалық тұрғыдан нашар жабдықталуы болып табылады»,- деді ол сәрсенбіде Астанада өткен брифингте.
«Уақытша сақтау қоймалары, жүкті арту-түсіру техникасы, жүк түсірушілер, орау аппараттары жоқ болып отырғанда, бақылаудың қандай тиімділігі туралы айтуға болады? Бұларсыз 40-тан 70 тоннаға дейін тең-тең жүк тиелген көлікті толық тексеруді қалай талап ете аламыз? Теңді ашқаннан кейін бір теңнің өзі ғана жүк көлігінің кузовын толтырып кетеді»,- деді ол.
Кәсіпкерлер бүгінде, кеден саласы маңындағы жұмыс үшін тек ресми рұқсат қана емес, кеденшілердің бүркемелеуін де алу керек дейді, яғни сыбайлас жемқорлыққа меңзеп отыр», — деді Бас прокуратураның ресми өкілі.
С. Нұрпейісов сондай-ақ, Бас прокуратура «өзінің үкіметке енгізген ұсынысында уақытша сақтау қоймасының іс-қызметін лицензиялау мен оларды квалификациялық талаптарға сәйкес болуын бақылауды жүзеге асыру функциясын басқа органға беру мәселесін қарастыруды ұсынғандығын» хабарлады. «Мысалы, бұл қаржы министрлігі болуы мүмкін»,- деп санайды ол.
Бас прокуратураның ресми өкілінің пайымдауынша, шекара кедендерін техникалық тұрғыдан жаңарту мен оларды заманауи бақылау құралдарымен техникалық жабдықтау туралы мәселені қарастыру қажет. «Кеден құрылғыларын осы саладағы көшбасшы — атақты дүниежүзілік өндірушілерден алу қажет, деп санаймыз»,- деп қорытындылады ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті