«Астанада 5,5 мың көрерменді сыйғыза алатын мұз сарайы салынады», — деді В. Храпунов. «Астанада салынатын сарай Ресейде суперлигада құрамаларға қойылатын талаптың барлық шарттарын орындауға мүмкіндік береді», — деп атап өткен министр Қазақстанның «Барыс» хоккей құрамасы қазір Ресей чемпионатының жоғарғы лигасында ойнап жүргенін және суперлигаға шығудан дәмелі екенін жеткізді.
Ал министр оқырмандарға таныстырған кітап Қазақстан хоккейінің дамуына арналған. «Кітапта Қазақстан хоккейі туралы, оның қалыптасуы мен дамуы, жеңістері, елімізде хоккей дами бастаған 50 жылдағы жетістіктер баяндалған», — деді В. Храпунов. Кітап Анатолий Шевченконың редакциясымен шығарылған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті