Сонымен бңірге, баспасөз қызметінің хабарлауынша, шығындан көлемі 504,7 млрд теңге болып, өткен жылғымен салыстырғанда 91,8%-ке өсті.
Банктердің жиынтық активтері мамырда 507,2 млрд теңгеге (5,3%) өсіп, 2007 жылдың 1-шілдесіндегі жағдаймен 10 100,3 млрд теңге болды. 2007 жылдың 1-шілдесінде банк секторының жиынтық есептік меншікті капиталы 1 385,0 млрд теңгеге жетіп, 2007 жылғы мамырда 44,9 млрд теңгеге, немесе, 3,4%-ке өсті.
Банктердің несиелік портфелі (банкаралық заемдарды ескере отырып) сәуір айында 513,5 млрд теңгеге (7,3%), 7521,7 млрд теңгеге дейін өсті.
2007 жылғы 1 маусымдағы жағдай бойынша банктердің кредиттік портфелінің құрылымында стандартты кредиттердің үлесі 46%, күмәнді — 52,8 %, үмітсіз — 1,2% болды. 2007 жылғы 1 мамырындағы жағдай бойынша стандартты кредиттердің үлесі 46,7%, күмәнді — 51,9%, үмітсіз — 1,4% болды.
Банктердің заңды және жеке тұлғалардан (банктерді және халықаралық қаржы ұйымдарын қоспағанда) тартқан салымдарының жалпы сомасы өткен аймен салыстырғанда 7,1%-ға өсе отырып, 5948,6 млрд. теңге болды, заңды тұлғалардың салымдар сомасы 4661,4 млрд. теңге болды, ал жеке тұлғалар салымдарының сомасы ай ішінде 6,6%-ға өсе отырып, 1 287,2 млрд. теңгені құрады. Арнайы тағайындалған еншілес ұйымдардың салымдары ай ішінде 18,8%-ға ұлғайып, 2514,8 млрд. теңгені құрады.
Екінші деңгейдегі банктер кірістерінің жиынтық сомасы өткен жылдың осы кезеңімен салыстырғанда 92,3%-ға өсіп, 2007 жылғы 1 маусымда 613,7 млрд. теңге болды.
2007 жылғы мамырда банк заңнамаларын бұзғаны үшін банктерге орындауға міндетті 6 ұйғарым шығарылды. 2007 жылғы 1 маусымдағы жағдай бойынша сот шешімімен 13 банк мәжбүрлеп таратылу процесінде болып отыр.
Қазіргі жағдаймен республиканың банк секторында 33 екінші деңгейдегі банк, олардың 14-і шетелдің қатысуымен (Қазақстан Республикасының резиденті емес банктерінің 9 еншілес банкін қосқанда) қызмет етуде.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті