Екінші Еуразиялық энергетикалық форум қыркүйекте Астанада өтеді

"ҚАЗАҚСТАН БҮГІН". 22 тамыз. АСТАНА. Екінші Еуразиялық энергетикалық форум 6-7 қыркүйекте Астанада өтеді. Бұл туралы KazEnergy қауымдастығының атқарушы директоры Ғабит Толқынбаев қауымдастықтың білім беру және маман мәселелері жөніндегі үйлестіру кеңесінің отырысы барысында мәлім етті.

«Қазір біз форумның күн тәртібі бойынша жұмыс істеп жатырмыз, оған елімізде жұмыс істейтін барлық ірі мұнайгаз компаниялары мен әлемдегі жетекші консалтингтік компаниялар қатысады деп күтілуде», — деді ол.