Шикізат өндіруші сектор компанияларының ашықтық жөніндегі бастама аясындағы біріккен есебі 2007-жылдың қараша айының аяғында жарияланады деп жоспарланған

"ҚАЗАҚСТАН БҮГІН". 28 тамыз. АСТАНА. Шикізат өндіруші сектор компанияларының ашықтық жөніндегі бастама аясындағы біріккен есебі 2007-жылдың қараша айының аяғында жарияланады деп жоспарланған. Бұл туралы бүгін екінші Орталықазиялық "Business weekend" фестивалі шеңберінде ҚР Энергетика және минералды ресурстар вице-министрі Болат Ақшолақов құлағдар етті.

«Біз мұндай есепті 2004-2005-жылдардың қорытындысы бойынша 2006 жылы жария етуге тиіс болатынбыз, бірақ ол кезде кейбір техникалық ерекшеліктерге байланысты бірқатар қиындықтар болған. Есеп ағымдағы жылдың қараша айының аяғында жарияланады деп күтілуде», — деді Б. Ақшолақов.