Ақпарат көзінің хабарлауынша, М.Хруничев атындағы орталық мамандары 92-1 алаңының монтаж-сынақ корпусында Ресей Қорғаныс министрлігінің мүддесіне сай жер орбитасына «Космос» жер серігін алып шығатын «Протон» зымыран тасығышын ұшыруға дайындалуда.
«Сонымен бірге «Бриз-М» үдеткіш блогы жүйелері тексерілу үстінде»,- деп хабарлайды ақпарат көзі.
«Космос» жер серігін алып ұшуға тиіс «Протон-М» зымыран тасығышы мен «Бриз-М» үдеткіш блогы 8- желтоқсанда ғарышқа жол тартуға тиіс.
Бұл 2007 жылдың аяғына дейін ұшырылады деп межеленген үш «Протонның» екіншісі.
«Протон» ұшырылымдарының биылғы ең соңғысы 25 желтоқсанда «Протон-К» зымыран тасығышы үш бірдей «Глонасс-М» жер серіктерін алып ұшумен аяқталады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті