Агенттік ақпаратына сүйенсек, Орталық сайлау комиссиясының басшысы Кәрімовқа 13 млн адам өз дауыстарын бергенін хабарлады. Өзбекстанның Халықтық-демократиялық партиясының атынан үміткер болған Аслиддин Рустамов (3,17%) екінші орында, үшінші орында — Социал-демократиялық партиясының өкілі Дилорам Ташмухамедова (2,94%), төртіншіде — Акмаль Саидов (2,85%), деп хабарлады Орталық сайлау комиссиясының төрағасы.
Өзбек ұлттық «Өза» ақпарат агенттігі хабарлағандай, сайлауға сайлаушылардың 90,6 пайызы қатысқан.
Бұдан бұрын хабарлағанымыздай, Өзбекстан Республикасының президенттігіне төрт адам үміткер болған. Қазіргі президент Ислам Кәрімовты президенттікке үміткерлікке Кәсіпкерлер және іскер адамдар қозғалысы — Өзбекстанның либералдық-демократиялық партиясы ұсынған.
Өзбекстанның социал-демократиялық партиясы төменгі палата — олий мажлис (парламента) вице-спикері Дилорам Ташмухамедовты өз үміткерлері ретінде ұсынған. Аслиддин Рустамов елдегі ең кәрі Халықтық-демократиялық партия атынан сынға түссе, заң ғылымдарының докторы 49 жастағы Акмаль Саидов азаматтардың бастамашыл тобы атынан президенттікке үміткерлікке ұсынылған.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті