Сайт ақпаратына сүйенсек, Есеп комитетінің төрағасы Президентке өткен жылдың төртінші тоқсанында жүргізілген бақылау шараларының нәтижелері туралы баяндаған.
О.Өксікбаев салық органдарының олқылықтары салдарынан республикалық бюджеттің кіріс бөлігін толықтыруға қажет резервтер қолданылмай қалды деген пікір білдірді.
«Мен жалпы алғанда, 2007 жылғы республикалық бюджеттің орындалуы жөнінде, сондай-ақ республикалық бюджеттік бағдарламалардың әкімшілері тарапынан жіберілген кемшіліктер жөнінде баяндадым. Мемлекет басшысы бақылау шараларының тиімділігін күшейту, Есеп комитеті қызметінің әдістемелік және заңнамалық базасын нығайту жөнінде тапсырма берді», — деді О.Өксікбаев.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті