Ведомстваның ақпараты бойынша, бұл істің бас орындаушысы 28 жастағы павлодарлық азамат болды. «Жас адам мал дәрігерлік зертханасына барып, қала базарына тапсырылған етті сату үшін рұқсат анықтама қағазын сұраған. Алайда, мал дәрігері бұдан бас тартқан «, — деп атап өтті облыстық прокуратурасының баспасөз хатшысы Светлана Фромм. Мал дәрігері етті сатуға шектеу қоятын актісін берген. «Ер адам онымен есеп айрысу үшін, дәрігер пара талап етті деп арыз тапсырған», -деді бақылау органында.
С. Фромм айтқанындай, шұғыл уәкілдері оның ақпаратына сеніп, «зардап шеккенге бейнекамера мен екі белгіленген 2 мыңдық теңгені берген «. Алайда, шұғыл шаралар кезінде анықталғанындай, мал дәрігері одан ешқандай пара талап етпеген. Керісінше, прокуратура қызметкерлері жалған ақпарат берушіге қатысты қылмыстық іс қозғады.»Біз мұндай іспен бірінші рет айналысып отырмыз. Заң бойынша, егер сен адамды бекер қараласаң, онда өзің сол әрекетіңе жауап беруің керек», — деп атап өтті С. Фромм.
Облыс прокуратурасы жас адамға қатысты ҚР ҚК 351 бап (ойластырған жалған ақпарат), және 349 бап (пара алуды ұйымдастыру) бойынша екі қылмыстық іс қозғады. Баспасөз қызметі хабарлағанындай, күдіктіге қатысты ешқайда кетпеу қолхаты алынып, бұлтартпау шарасы қолданылды. Баспасөз қызметінің ақпараты бойынша, сот оның кінәсін дәлелдесе, онда ол 7-10 жылға бас бостандығынан айырылуы мүмкін.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті