«Көктемгі- жазғы кезең халықаралық лаңкестік ұйымдар қызметінің жандануымен байланысты болғандықтан, бұл операцияны өткізудің қажеттігі туындап отыр. Осыған орай Қырғызстан шекарашылары сәуір айынан бастап барлау-іздестіру жұмыстарының дайындығына кірісетін болады.
Осы айларда лаңкестер пайда болатын тау аралық жолдар, сайлар, асулар және мемлекеттік шекарадан өту бекеттер жіті бақылауға алынатын болады», — деп хабарлады шекара қызметінің басшылығы.
Басталған операция әзірге оқу түрінде жүргізілгенімен, барлық күш құрылымдарымен бірлесе отырып өткізілуде. Оны жүргізу барысында шекерадан қару жарақ пен жарылғыш заттарды, есірткіні заңсыз тасымалдау түрлері алдын ала ескертіліп, дайындық жұмыстары жасалуда.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті