«Алматы қалалық құтқару қызметінің» мәліметтері бойынша, 11 наурызда 051 кезекшілік пультке 14 сағат 31 минутта №94 орта мектеп директорынан ғимараттың ішіне белгісіз бір газдың себілгені туралы ақпарат келіп түсті. Құтқарушы химиктері «Мегакон-10К» құралымен ауадағы зиянды заттардың құрамын тексерді.
«Күкірт газының құрамы белгіленген нормадан 23 есе (11,8 млг/м3) артық болып шықты. Бұл адам денсаулығына зиянды. Мектептен 700 адам сыртқа шығарылды. №1 балалар клиникалық ауруханасына сегіз бала жеткізіліп тексерілгеннен кейін үйлеріне жіберілді. Мектепте азаматтық қауіпсіздік және төтенше жағдайлар жөнінде сабақтарды өткізу жөнінде ұсыныс берілді», — деп түсіндірді баспасөз қызметі.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті