Бұл туралы 24.кз хабарлады. «Қазгидромет» орталығының мамандарының хабарлауынша, елдің оңтүстігі, орталығы және шығысында жаңбыр жауып, арты қарға ұласып, көктайғақ болуы мүмкін. Кей жерлерде екпінді жел байқалып, 15-25 м/с-ға дейін жетеді. Елдің орталық және шығыс аймақтарында ауа температурасы күндіз 7 градусқа дейін суытып, батыс өңірлерде 3-8 градус жылы болуы ықтимал. Астанада 4 қарашада тұман түсіп жауын-шашын болып, күндіз 3-5 градус аязды көрсетеді. Ал 5 қараша жауын-шашынсыз, күндіз ауа райы 3 градус жылы болады деп болжайды мамандар. Айдана Абықан, «Қазгидромет» РМК инженер-синоптигі: — Елордамыз Астанада ертең кей уақыттарда жаңбыр жауады, түнгі ауа температурасы – 2-4, күндіз 0-2 градус суық болады. Алматы қаласы бойынша көшпелі бұлтты, күннің соңында жаңбыр жаууы ықтимал. Түнгі ауа температурасы – 10-12, күндіз 19-21 жылы болады. Пікір қалдырыңыз