Қырғызстанның Беловодское ауылында екі әйелді өлтірді деген күдікпен үш жас жігіт ұсталды, деп хабарлады Sputnik Қырғызстан.
Шу ішкі істер бас басқармасы баспасөз қызметінің мәліметінше, жаңа жыл түні белгісіз біреулер Беловодское ауылында тұратын отбасыға қарақшылық шабуыл жасап, анасы мен қызын атып кеткен. Қылмыскерлер үйдегі 100 мың сомды (400 мыңнан аса теңге) алып, ізін жасырған.
Әйелдер сол жерде жан тапсырған. Сондай-ақ отағасы жарақат алған.
"2 қаңтар күні таңертең жедел қызметкерлер 19, 20 және 23 жастағы үш күдіктіні ұстады. Олар Бішкек және Шу облысының тумасы", — деп хабарлады ішкі істер бас басқармасы.
Ұсталғандардан жауап алынып жатыр.