13 миллион теңге көлемінде пара алды деп айыпталған экс-шенеунік толықтай ақталды - kaz.caravan.kz
  • $ 443.44
  • 480.51
+23 °C
Алматы
2024 Жыл
19 Мамыр
  • A
  • A
  • A
  • A
  • A
  • A
13 миллион теңге көлемінде пара алды деп айыпталған экс-шенеунік толықтай ақталды

13 миллион теңге көлемінде пара алды деп айыпталған экс-шенеунік толықтай ақталды

Бүгін Шымкент қалалық қылмыстық істер жөніндегі соты Жолаушылар көлігі және автомобиль жолдары басқармасының бұрынғы басшысы Мұхтар Қоқанбаевты ақтап шықты.

  • 16 Қараша 2023
  • 6
Фото - Caravan.kz

Ол сот залынан босатылды, деп хабарлайды Caravan.kz медиа порталы otyrar.kz-ке сілтеме жасап. 

Естеріңізге сала кетейік, жоғары лауазымды шенеуніктің ұсталғаны туралы ақпарат ағымдағы жылдың маусым айының соңында таралған еді. Кейіннен Сыбайлас жемқорлыққа қарсы қызмет Қоқанбаевтың сыбайлас жемқорлыққа қатысы бар деген күдікпен ұсталғанын хабарлады.

Оған кәсіпкерден 13 миллион теңге көлемінде пара алды деп айып тағылған болатын. Алайда кейіннен бұл бап ҚР Қылмыстық кодексінің 361-бабының 4-бөлігі «Лауазымды өкілеттіктерді теріс пайдалану» деген санатқа ауыстырылды.

Мемлекеттік айыптаушы екі жылды ең төменгі режимдегі колонияда өтеуді сұраған болатын. Ал бүгін 5 ай тергеуден кейін Мұхтар Қоқанбаев сот залында кінәсіз деп танылып, ақталып шықты.

Соңғы жаңалықтар